Как правильно читать акафист Мученику Трифону и от чего он помогает
Период становления христианства – очень важный этап в истории человечества. В борьбе за веру, справедливость погибло множество истинных верующих. Нелегкий земной путь, по словам Святых Отцов, обязательно будет вознагражден неземными благами в Царствии Небесном, и об этом наследовании они помнили всегда.
Святые мученики горячо верили в Единого Бога, его Сына Иисуса Христа, они славили Господа и проповедовали христианскую веру среди язычников и другого малограмотного населения. Одним из таких последователей веры Христовой является святой Трифон, боровшийся всю свою жизнь с дикими, мерзкими обычаями язычников. Акафист мученику Трифону помогает сейчас верующим христианам в борьбе с дьявольскими силами, врагами, искушениями.
Мученик Трифон Никейский
Одним из великих мучеников, пострадавших за веру Христову, принявший мученическую смерть с благодарностью, является Св. мученик Трифон. Ему читают акафисты, молятся все православные христиане, которые знают о его жизни и подвиге.
Родиной праведного является селение Кампсад, недалеко от города Апамеи. Тогда это была страна Фригийская, сейчас земли эти принадлежат Турции. С малых лет мальчику прививали любовь к Богу, почитание Священных Писаний. Вера отрока во Христа была настолько сильной, что он удостоился великого дара — изгонял бесов из людей, излечивал всякие болезни.
Важно!Что такое отчитка от пьянства отца Германа и как на нее попасть.
По молитвам мученика родные деревенские земельные угодья оставались нетронутыми вредителями, что спасало многих людей от погибели, голода. Известны случаи спасения от стихийных бедствий, других несчастий — вот почему так важно сейчас читать акафист мученику Трифону.
Всеобщему признанию святого предшествовало одно знаменательное событие, связанное с императором Гордианом, приступившим к власти в 238 году.
У римского императора была дочь, отличавшаяся умом, а также необычайной красотой. Многие знатные князья желали видеть ее женой своих сыновей. Однако взрослая девица по попущению Бога испытала большое горе: в нее вселился дьявол, жестоко мучавший ее, ввергая в воду или огонь. Врачи, приводимые к ней со всего света, не могли ничем помочь. Однажды вселившийся злой дух по Божьему повелению сказал, что только отрок по имени Трифон сможет излечить девицу от этой напасти.
С тех пор к девице приводились все обладатели этого имени, однако все было бесполезно. Однажды слуги императора отыскали святого отрока, который во Фригии пас гусей на берегу озера. При приближении к Риму дьявол возопил: «Вот приближается Трифон — невыносимо здесь жить». Через три дня нечистый дух покинул девицу.
Император, увидев Божью силу, пожелал увидеть воочию злого духа и умолял отрока показать ему его. Молясь, соблюдая пост шесть дней, на седьмой день мученик вызвал дьявола, который гласил, что не имеет власти над теми, кто уверовал в Господа Иисуса Христа, поэтому тяжкого вреда причинить им не может. Только иногда по Божьему попущению он способен мучать верующих. А становятся друзьями с дьяволом люди, одержимые следующими страстями:
- злобой;
- гневом;
- гордостью;
- завистью;
- прелюбодеянием;
- убийством;
- чародейством.
Он опутывает их своими сетями, затем начинает жестоко мучать. Услышав это, многие из присутствующих язычников уверовали и крестились.
Полезно знать! Религиозные термины: благоговение – что это такое.
Мученическая смерть
Во времена правления Декия, 249-251 год, гонения на христиан возродились с новой силой. Недоброжелатели сообщили императору о том, что святой проповедует запрещенное тогда учение. Мученика пленили, подвергли пыткам, допросам, его жгли огнем, избивали. Не отрекшись от святой веры, праведник только благодарил Бога за то, что отдает свою душу за прославление славы Божьей.
Тогда ему вбили в ноги гвозди, велели пройти по улицам. Апамейский мученик, не произнеся ни единого слова, покорно выполнял все требования, продолжая благодарить Бога. За неповиновение его приговорили к смертной казни через усекновение головы. Тело святого было умащено ароматами, обернуто чистыми плащаницами и погребено. По преданиям святой явился во сне верующим, он попросил перевести мощи на свою родину, в деревню Кампсаду. Так и случилось.
Полезно! Сильная молитва-защита от порчи и злых людей.
Образ Святого
Акафист святому мученику Трифону лучше читать перед его образом. Он изображен как красивый молодой отрок в простой одежде, держащий виноградную лозу и животворящий крест. Читать акафист преподобному мученику можно перед другой иконой, где святой находится на белом коне, ангел его беспрестанно защищает. Существуют также лики праведника с птицей в руках.
Молятся святому Трифону о работе, ведь от этого во многом зависит наше благополучие, счастье.
Припадая к мощам, можно прочитать акафист святому Трифону не только о работе — он испрашивает у Всевышнего защиты для нас от бед, несчастий. Обращаются к нему, надеясь на обретение душевного спокойствия, мира, здоровья, терпения, всепрощения.
Акафист мученику Трифону можно слушать онлайн, текст акафиста мученику, как правило, читается церковным служителем, его приятно слушать. Однако молиться ему лучше самостоятельно, уединившись в тишине и спокойствии.
Некоторые верующие знают, что можно скачать акафист с ресурсов интернета. Здесь тоже нужно быть внимательным, так как ненадежные сайты публикуют церковную литературу с приписками и ошибками.
Нужно знать! День поминовения Никейского мученика Трифона – 1 (14) февраля, на божественной литургии обязательно читается акафист святому на русском языке.
Невозможно не рассказать о другом святом, носившем это же имя, жившем на земле Русской. К нему тоже обращаются христиане со своими прошениями, мольбами.
Трифон Печенгский
Печенгский святой – жемчужина православного христианства, он особенно почитается у нас. Перед прочтением акафиста Трифону Печенгскому, лучше ознакомиться с жизнью преподобного, с тем, как он боролся за веру.
Юные годы
Родился Митрофан, так назвали мальчика родители, в 1495 году. Священническая семья проживала в Новгородской губернии, ребенку с малых лет прививали любовь к Богу и людям, смирение, кротость, долготерпение. Отрочество его неразрывно связано с молитвой и постом. Однажды он услышал голос, который указывал ему на необходимость идти в место пустынное, где не ступала человеческая нога. Из рассказов рыболовов-промышленников он узнал много интересного о жизни лопарей. Именно туда он отправился с проповедью.
Важно! День памяти Печенгского слуги Божия отмечается 28 декабря, 3 июня, в другие переходящие даты в соборах Кольских, Карельских, Тверских и Новгородских святых.
Борьба за веру
Река Печенга и Кольский полуостров стали родными св. Трифону Печенгскому, он изучил язык, обычаи аборигенов, много проповедовал им. Не все стремления преподобного были восприняты язычниками с благодарностью. Он претерпевал лишения, побои, был долгое время изгоем. Однако даже и не думал отступать от апостольского служения, ублажая язычников кротким, «теплым» словом.
Постепенно язычники по Божьему велению принимали христианскую веру, отказываясь от обычаев, пронизывающих их души. Под предводительством архиепископа Макария, преподобный вместе с Илией, Феодоритом выстроили храм Святой Троицы. В 1533 году он был освящен, а мученик принял монашеский постриг. На берегу холодного моря были выстроены кельи, их населяли первые иноки Печенгского монастыря. В молитвенных обращениях и акафисте Трифону Печенгскому, мы просим великого праведного мученика защитить нас от бед, врагов, ведь этот святой, безусловно, молит Бога о благополучии всей Православной Церкви.
Интересно! Однажды святой перед своим выходом из кельи замесил тесто. Через некоторое время большой медведь зашел внутрь, затем начал есть приготовленную заготовку. Обладая великой силой, праведник повелел зверю выйти из кельи, наказал ему больше не возвращаться. Известно, что дикие звери повиновались преподобному так же, как некогда выполняли приказания нашего праотца Адама. Они никогда не нападали на стадо оленей, которое обитало на территории монастыря.
Служение
Акафист мученику Трифону помогает обрести смирение, кротость, ведь известно, что святой всегда уклонялся от великого сана, он предоставлял возможность руководить обителью другим духовным лицам или своим ученикам. Вскоре из-за разногласий в монастыре ему пришлось покинуть обитель, однако он продолжал заботиться о своем «чаде». Известно, что сам Иоанн Грозный по прошению преподобного пожертвовал для благоустройства монастыря церковную утварь, колокола, облачения, деньги, богатые угодья.
Вернувшись в монастырь через некоторое время, он избрал для проживания старое место у Трифонова ручья, где была создана отходная пустынь. В 1565 году около реки Паз — вероятно, именно она была местом крещения лопарей — при участии святого был построен храм во имя святых Бориса и Глеба. Он способствовал благоустройству обители, духовная, общественная, хозяйственная жизнь в этот период процветала.
Православные христиане возносят акафист святому Трифону во время природных катаклизмов, бедствий. Он не раз спасал моряков, попавших в кораблекрушение. При жизни святой заботился о нуждах обитателей монастыря, в годы неурожая он с несколькими братьями собирал подаяния, затем отправлял все для нужд обители. Скончался преподобный на 88 году жизни, он отдал душу Богу 15 декабря 1583 года.
Вскоре финскими захватчиками был уничтожен Печенгский монастырь, на месте разрушенного храма была выстроена церковь во имя преподобного, а на месте его захоронения поставлен храм Сретения Господня. Нападение на самую северную в мире православную обитель, которая долгое время считалась оплотом веры, было предсказано святым.
Он утверждал, что на сию обитель будет вскоре тяжкое искушение, а многие из братии примут смерть от острия меча. Так и случилось через семь лет: 116 монахов погибли от тяжких мучений, оставшиеся в живых собрались в Коле, где основали Кольско-Печенгский монастырь. Он просуществовал до 1765 года, так как был упразднен указом Екатерины Второй.
Полезное видео
Подведем итоги
Святые Отцы, мученики, старцы, отдавшие свои жизни за веру, трудившиеся во благо людей, и сейчас неустанно молятся за нас, покровительствуют, ходатайствуют перед Богом. Не будем лениться просить у них помощи, и она обязательно поступит.
Акафист святому преподобному Трифону, Печенгскому чудотворцу
Кондак 1
Избравшу тя Пастыреначальнику Христу во апостола страны северныя, абие отринул еси, досточудне Трифоне, мира сего красная, претерпел же всяко озлобление, благовестил еси седящым во тме и сени смертней Бога явльшагося плотию: темже со апостолы срадуется дух твой в небесных обителех. Имея убо дерзновение ко Христу Богу нашему, от всяких бед избави нас зовущих:
Радуйся, Трифоне, страны северныя просветителю, Печенгский чудотворче.
Икос 1
Ангелы Своя странам и языком предстатели даровавый Бог, егда прииде времен исполнение, моления ради ангела страны, яже близ океана хладна, и народа лопска предстателя, призва тя во благовестие, всехвальный Трифоне, яко да спасени будут людие тии. Поминающе убо сия, вопием ти:
Радуйся, священнаго корене благое прозябение.
Радуйся, пустынным издетска житием сосуд избран себе Богови уготовавый.
Радуйся, зван быв свыше, к океану морю преселивыйся.
Радуйся, во Христе грядущее избавление тамо благовестивый.
Радуйся, поспешествующей ти благодати Божией, приведый ко Христу чад множество.
Радуйся, совершенною Христа любовию уязвився, образ по сем иноческий на себе приемый.
Радуйся, Троицы Живоначальныя обитель устроивый, и яже ко Христу монахов ликостояния.
Радуйся, велия ради смирения от начальства над обителию отрекийся, повелеваяй зверьми дивиими.
Радуйся, течение свое святолепне скончав, благочестне ко Христу отшедый.
Радуйся, яко обитель твоя, от враг разоренная, по словеси твоему паки возставится.
Радуйся, по преставлении твоем царя Феодора спасый и всем потребная скоро подаваяй.
Радуйся, Трифоне, страны северныя просветителю, Печенгский чудотворче.
Кондак 2
Видяща родителя твоя, досточудне Трифоне, издетска постническое твое житие, аще и стужастася о твоем терпении, обаче радовастася, проразумевающа, яко хощет Господь воздвигнути тебе нова миру светильника, и Тому воспеваста: Аллилуиа.
Икос 2
Разум свыше осени тя, преподобне, всего себе предати Христову изволению, имже в пустыню приведен был еси: тамо бо найде на тя Сила Божия, во еже благовестити Евангелие Хритово народу иному. Темже вопием ти:
Радуйся, иереа Божия радосте и матере твоея веселие.
Радуйся, родителей честных чадо, от Бога зело возлюбленное.
Радуйся, девство драгое и чистоту душевную соблюдый непорочны.
Радуйся, издетска в дому Божии, аки Христос отрок, приметатися изволивый.
Радуйся, услышавый тамо слово реченное: пустынным живот сокровен есть, божественным рачением воскриляющымся.
Радуйся, оным гласом, яко воин, на служение Царю призванный.
Радуйся, пустынным житием себе в добрем изволении утвердивый.
Радуйся, во юности плотския страсти умертвивый.
Радуйся, постом душу свою, во еже глас свыше слышати, предочистивый.
Радуйся, от Христа языку лопску избранный благовестниче.
Радуйся, еже о мире сем отложивый попечение и абие вослед Христу последовавый.
Радуйся, Трифоне, страны северныя просветителю, Печенгский чудотворче.
Кондак 3
Силою во еже благовестити, свыше Христос облече тя, досточудне Трифоне. В пустыни бо, аки Моисеови древле в купине, глас ти бысть: «Иди в землю необетованную и рцы, яко любы обручения Моего не разорится». Егда же рекл еси: «Кто еси Господи»; отвеща ти: «Иисус Есмь, Егоже ты ищеши». Сия же слышав, со умилением преклонься, возопил еси Тому: Аллилуиа.
Икос 3
Имущу ти, аки Моисей, смирение велие, во еже отрещися такова звания, рекл еси, преподобне: «Невежда есмь, Господи, и малокнижен». Обаче Той заповеда ти: «Ничесоже вопреки глаголи, яко на вся послю тя, и идеши. вся, яже заповедаю ти, глаголи, не убойся, с тобою бо Есмь». Сего ради вопием ти:
Радуйся, радости родителей твоих оправдание.
Радуйся, видевый славы Отчия сияние.
Радуйся, яко благодать Божия излияся на тя богатно.
Радуйся, яко разумение ти языков дадеся.
Радуйся, яко найде на тя дух премудрости и ведения.
Радуйся, Духа Святаго приятелище.
Радуйся, силою Божиею аки мечем препоясанный.
Радуйся, яко рыбарь ко океану на уловление душ человеческих во спасение призванный.
Радуйся, Андреа Первозваннаго, на горах Киевских благовестника ревнителю.
Радуйся, Мефодиа и Кирилла избранный последователю.
Радуйся, Гуриа и Варсонофиа, Стефана и Иннокентиа достойный преемниче.
Радуйся, Трифоне, страны северныя просветителю, Печенгский чудотворче.
Кондак 4
Бури океана хладна не убоявся, любовию Христовою согреваемь, во страну северную преселился еси, досточудне Трифоне, да предложиши тамо народу Лопску огнь любве Божия, хлад и мрак души разгоняющ, во еже чистым сердцем и усты воспевати: Аллилуиа.
Икос 4
Слышаще идолов посрамление от тебе, злочестивии людий сих учителие, кебуни нарицаеми, злобу велию воздвигоша на тя, преподобне, по ланитома биюще, по каменем влачаще, и ины пакости деюще. Мы же зряще тя, со смирением таковая приемлюща, умильно вопием:
Радуйся, яко купец многоценна ради бисера ко океану устремивыйся.
Радуйся, ввергий мрежу свою на уловление душ во спасение.
Радуйся, тщету идолов обличивый.
Радуйся, сего ради аки Павлово от иудей страдание приемый.
Радуйся, яко слово Божие светлостию лица твоего утверждашеся.
Радуйся, яко слово твое пройде в сердца окамененная.
Радуйся, от Бога создание всея твари из небытия народу лопарску возвестивый.
Радуйся, благовестивый сим людем во Адаме наше падение, во Христе же обновление.
Радуйся, отриновенныя Христовым обручением утешивый.
Радуйся, благовестием твоим небесныя лики возвеселивый.
Радуйся, ангела предстателя страны северныя себе явивый.
Радуйся, Трифоне, страны северныя просветителю, Печенгский чудотворче.
Кондак 5
Боготечней звезде уподобився, всю страну северную обтекл еси, досточудне Трифоне. Яко бо денница, солнцу преходящая, от языка лопска привел еси ко Христу чад множество, иже со умилением сердца приимше крещение, возопиша о тебе Богу: Аллилуиа.
Икос 5
Видение бе дивное, егда от мрачна неведения тобою приведеннии Христови сочеташася: земля бо и небо ликоваху, во струях Печенги, аки Иордана и Днепра, зряща множество крещаемых. Поминающе убо сия, восклицаем ти:
Радуйся, гласе вопиющаго, от народа лопска услышанный.
Радуйся, Крестителя Христова собеседниче.
Радуйся, яко тма идольская от тебе разорися.
Радуйся, яко крест, аки знамя победное, тобою зде водрузися.
Радуйся, яко трапеза бесовская ни во что же тамо вменися.
Радуйся, яко вместо тоя утвердися тамо трапеза Христова спасительная.
Радуйся, тобою бо Матерь Божия прославися.
Радуйся, яко святии просвященным тобою людем присни сташа.
Радуйся, яко Владимир святый, зря чад умножение, возвеселися.
Радуйся, в распутиях мира сего обретый на вечерю Христову избранныя.
Радуйся, Церкве от народа лопска создателю.
Радуйся, Трифоне, страны северныя просветителю, Печенгский чудотворче.
Кондак 6
Егда проповедано бысть Евангелие всей стране северней, ин подвиг приял еси на себе, досточудне Трифоне. Языку бо крещену бывшу, абие прием образ ангельский, создал еси обитель Живоначальныя Троицы, в нюже стечеся инок множество, во еже пети Богу: Аллилуиа.
Икос 6
Возсия во мраце Севера, яко светильник света невечерняго, обитель от тебе созданная, светом Троическим вся осиявающая. Темже радующеся вопием ти:
Радуйся, апостолом веселие, преподобным же удобрение.
Радуйся, кукулем, аки венцем незлобия, главу свою увязивый.
Радуйся, поясом чресла своя во умерщвление плоти препоясавый.
Радуйся, Иоанну Богом возлюбленну поревновавый.
Радуйся, нестяжания учителю.
Радуйся, смирения великаго носителю.
Радуйся, каменю, на немже создася жилище Пресвятыя Троицы.
Радуйся, в жилищих тмы селение света невечерняго соделавый.
Радуйся, яко возстена князь мира сего, зря воинства Христова водворение.
Радуйся, яко зде ста колесница, Иезекиилем созерцанная.
Радуйся, яко вознесеся седящему на ней песнь великая, в вышних песнословимая.
Радуйся, Трифоне, страны северныя просветителю, Печенгский чудотворче.
Кондак 7
Хотяй чада своя препитати и спасти, егда глад стране прилучися, блаженному Гурию предал еси, досточудне Трифоне, обитель от тебе созданную, сам же изшед во Отечествие, осмерицу лет по градом тамо прехождал еси, даяния блага приемля и поя Богу: Аллилуиа.
Икос 7
Новую купель Силоамскую яви тя Бог, преподобне, егда странен сый во Отечествии, приемля даяния, многоценна сокровища всем источал еси, тобою бо слепии прозираху, немии глаголаху, недужнии здравие улучаху. Чудящеся сему, ублажаем тя:
Радуйся, Моисеови уподобивыйся.
Радуйся, Товита праведна ревнителю.
Радуйся, яко Товиа в путех ангелом храненный.
Радуйся, святителя Николаа Мирликийскаго подражателю.
Радуйся, Сампсона страннолюбива и Филарета милостива увеселителю.
Радуйся, алчущих питателю.
Радуйся, сирых заступление.
Радуйся, вдовиц ограждение.
Радуйся, младенцев соблюдение.
Радуйся, милосердия учителю.
Радуйся, образе жития богоугоднаго.
Радуйся, Трифоне, страны северныя просветителю, Печенгский чудотворче.
Кондак 8
Странствие скончавая, к царствующему граду устремился еси, досточудне Трифоне, идеже новое о тебе чудо благоволи Бог сотворити: не сущу бо еще ти тамо, со единем от обители Соловецкия цареви предстал еси дивно. Темже последи той, приемль тя любовию, всякаго исполни даяния, поя Богу: Аллилуиа.
Икос 8
Весь благоговеинства исполнився, в тое же время царевич Феодор, изшед от церкве, посла ти, преподобне, одежды своя, яко да милостыня его предъидет царскому даянию, еже и бысть по сем велие. Темже вопием ти:
Радуйся, смирения ради вознесенный.
Радуйся, сильным мира сего явленный.
Радуйся, яко царь пришествию твоему удивися.
Радуйся, яко явлением двою той возвеселися.
Радуйся, от царя достойне почтенный.
Радуйся, от сына царева одаренный и возлюбленный.
Радуйся, от напастей сего выну соблюдавый.
Радуйся, яко милостынею его обитель твоя снабдеся.
Радуйся, яко благочестием его царство Российское увеселися.
Радуйся, яко царство наше цари благочестивыми украшается.
Радуйся, яко святыми мужи оное утверждается.
Радуйся, Трифоне, страны северныя просветителю, Печенгский чудотворче.
Кондак 9
Всяких дарований исполнен сый, паки во страну северную, аки солнце к захождению, притек, досточудне Трифоне, создал еси церковь благоверных князей Бориса и Глеба, и оставль обитель, в дольней пустыни водворився, остаток дний своих препроводил еси в терпении мнозе, поя Богу: Аллилуиа.
Икос 9
Витии от инок дивное еже ти тварей повиновение всюду возвестиша, преподобне: не сущу бо ти единожды в келлии, зверь дивий в ню вниде и начат бывшая ясти. Возвращшу же ти ся и наказавшу сего, николиже паки ко обители твоей от тацех приближатися смеяше. Сему же чудящеся, взываем ти:
Радуйся, ластовице пустыннолюбивая.
Радуйся, Успенския пустыни украшение.
Радуйся, молчания образе.
Радуйся, прилоги лукаваго уразумевый.
Радуйся, гордыни его не приложивыйся.
Радуйся, стрелы того безсильны явивый.
Радуйся, в конец сего посрамивый.
Радуйся, Адаму первозданну уподобивыйся.
Радуйся, яко тя зверие дивии царя себе познаша.
Радуйся, от земнородных прозябение дивное.
Радуйся, кораблю великий, ко пристанищу тихому приблизивыйся.
Радуйся, Трифоне, страны северныя просветителю, Печенгский чудотворче.
Кондак 10
Спасти хотя собранныя, прежде кончины твоея досточудне Трифоне, паки во обитель твою прешел еси, и Богови служение заповедал еси братии: юже грядущаго ради озлобления Христовым утешив милосердием, в небесныя кровы отшел еси, идеже со святыми поеши Богу: Аллилуиа.
Икос 10
Стена был еси чадом обители твоея, преподобне, иже со умилением поюще надгробная, положиша святое тело твое, якоже заповедал еси, в пустыне тобою возлюбленней Зряще же оное токи чудес источающее, радостно возопиша:
Радуйся, Пресвятыя Троицы изрядный почитателю.
Радуйся, Девы Преблагословенныя ублажателю.
Радуйся, святым Зосиме, Савватию и Герману единонравный.
Радуйся, добре Богови поживый.
Радуйся, в старости мастите ко Христу преселивыйся.
Радуйся, яко глава твоя, приклонена сущи, труды извествоваше.
Радуйся, седина бо твою мудрость обличаше.
Радуйся, таланты, от Бога ти вданныя, приумноживый.
Радуйся, благий рабе, вшедый в радость Господа твоего.
Радуйся, честных монахов похвало и украшение.
Радуйся, обители твоея присный Богови предстателю.
Радуйся, Трифоне, страны северныя просветителю, Печенгский чудотворче.
Кондак 11
Пение всеумиленное приносим ти, досточудне Трифоне! Обитель бо твоя, аще по словеси твоему от свеев разорися, обаче страданием братий прославльшися, паки возставися. Аще и вторицею опусте, силою же лучшею ныне обновися, в нюже иноцы текуще, о тебе радостно Богови поют песнь немолчную: Аллилуиа.
Икос 11
Светозарней звезде уподобися обитель твоя, преподобне, егда ю свее разоряху: чада бо, тобою собранная, терпением враги посрамиша, венцы мученическими украсишася, и купно с церковию огнем попалившася, яко жертва угодна Богови принесошася. Поминающе убо таковая, умильно вопием ти:
Радуйся, грядущая в Бозе созерцаяй.
Радуйся, обители разорение предъявивый.
Радуйся, до времене ю вои небесными соблюдавый.
Радуйся, яко ученик твой Иона, молитвами тя выну чтый, в пустыни твоей от меча скончася.
Радуйся, Гуриа, Германа и иных прославленных Богом подвижников веры и благочестия наставниче.
Радуйся, яко вся чада твоя от Христа прияшася.
Радуйся, яко обитель твоя паки возставися.
Радуйся, яко паки тем светильник благочестия страны даровася.
Радуйся, тою лжеучения сокрушаются.
Радуйся, святыя бо твоя мощи аки камень краеуголен являются.
Радуйся, яко вся коемуждо полезная молитвами твоими даруеши.
Радуйся, Трифоне, страны северныя просветителю, Печенгский чудотворче.
Кондак 12
Благодати Христовы носителю, досточудне Трифоне! С верою тя призывающым полезная подаеши, от напастей же, яко царя Феодора, скоро избавляеши. Сему бо нощию явився во стане, рекл еси: «Скоро изыди, да не найдет на тя смерть нечаянная». Сия же сотворшу ему, абие от стреляния вражеска скиния опровержеся и ложе разметася, людие же чудящеся пояху: Аллилуиа.
Икос 12
Поюще Богу песнь благодарения, радуемся о тебе, преподобне, яко вся нам полезная даруеши. Тобою бо пагуба отгоняется, здравие улучается, мир и благоустроение водворяется: понеже на небесех присно ходатайствуеши о нас, взывающих ти сице:
Радуйся, на небесех о нас теплый предстателю.
Радуйся, почитающих тя верный хранителю.
Радуйся, не чтущих тебе вразумителю.
Радуйся, духов злобы отгонителю.
Радуйся, помраченных умы просветителю.
Радуйся, недугов изрядный целителю.
Радуйся, от потопления морскаго спасателю.
Радуйся, яко тобою царю Феодору даровася избавление.
Радуйся, яко тобою небесное царей наших познася соблюдение.
Радуйся, яко тобою всяка печаль отгоняется.
Радуйся, яко тобою благочестие во обители твоей и по всей стране сей утверждается.
Радуйся, Трифоне, страны северныя просветителю, Печенгский чудотворче.
Кондак 13
О преподобне и досточудне отче наш Трифоне! Живоначальней предстоя Троице, в неприступнем свете и радости неизглаголанней, приими сие от умиленнаго ти сердца возносимое хваление, и не престай моляся о нас, да поживше благочестне, по успении нашем сретени от тебе обрящемся на небесех, и воспоем Богови со ангельскими лики: Аллилуиа.
(Этот кондак читается трижды, затем икос 1-й и кондак 1-й)
Молитва святому преподобному Трифону, Печенгскому чудотворцу
О Всесвятыя Троицы угодниче, о блаженнейший и равноапостольный пастырю, преподобне отче наш Трифоне! Не забуди твоея паствы, поминай во святых твоих и богоприятных молитвах, приносимых в Троице славимому Богу, стадо твое, еже сам, по благовестию от ангела, пришествием твоим собрал и упасл еси. Понеже в сродстве твоего мирскаго жилища, слышав во святей церкви на утрени поющих: «Пустынным живот сокровен есть, божественным рачением воскриляющымся»; и от того восперився божественною любовию, оставль дом и сродство, и пришед вскрай северныя страны, просветил еси святым крещением неведущий Творца, всех Бога, лопарский народ, за еже, во утверждении христианския веры, многа изгнания и злоключения подъял еси. И близ реки Печенги в пустыню вселився, братию из многих градов и весей собрав, велию обитель воздвигл еси, и при отшествии к небесным селением, о посещении твоея обители пророчествия дар от Бога восприял еси, и по смерти на мори и на суши многа чудеса и цельбы с верою просящым сотворил еси и ныне твориши. Темже молим тя, не забуди присещати чад твоих: моли за ны, преподобне отче, приходящыя к тебе с верою, и за вся христианы, яко имеяй дерзновение к Безсмертному Царю Христу всех Богу. Не премолчи за ны ко Господу, и не презри нас верою и любовию чтущих тя и поминающих святую память твою. Аще бо ты и преставился еси от нас телом, но и по смерти живый духом, всегда чудодействуеши. Молитвами твоими сохраняй нас от стрел и козней вражиих, и всякия прелести бесовския, и от враг видимых и невидимых. Пастырю наш добрый! Аще мощи твоя в раце незрими нам суть, обаче, понеже всегда в Троице славимому Богу, при Престоле Его непостижимаго величествия неотступно в молитвах предстоиши, усердно к тебе прибегаем и просим: умоли и испроси нам время к покаянию, да в час исхода души прейдем от земных к небесным, мытарств же воздушных и вечныя муки избавимся, и Небесному Царствию наследницы будем со всеми от века угодившими. О всеблаженне отче наш Трифоне! Не презри и ныне нас, притекающих к тебе, яко да молитвами твоими и помощию спасаеми, славу и благодарение, хвалу и поклонение за вся в Троице единому Богу, всех Создателю возсылаем, Отцу и Сыну, и Святому Духу, ныне и присно и во веки веков. Аминь.
Акафист святому мученику Трифону Печенгскому на русском языке: толкование
П ути́, вводя́щаго в жизнь, наста́вник и учи́тель был еси́: / пе́рвее бо, преподо́бне о́тче наш Три́фоне, / прише́л еси́ в часть Норве́гския земли́ / и в после́дних конце́х се́верныя страны́ язы́ки просвети́л еси́, / породи́в водо́ю и Ду́хом Святы́м, / и свяще́нная твоя́ ча́да в безпло́дней пусты́ни, / я́ко древа́ ма́сличная, насади́л еси́, / ве́лию оби́тель Святы́я и Живонача́льныя, Единосу́щныя и Неразде́льныя Тро́ицы созда́л еси́ / и мона́хов мно́жество собра́в. / Тем, я́ко апо́столом и пустынножи́телем равноче́стна чту́ще тя, / приле́жно припа́дающе, вопие́м: / моли́ всех Бо́га за Ру́сскую зе́млю, за о́бласть твою́ и за вся лю́ди, // почита́ющия па́мять твою́.
Ин тропарь, глас 4:
О т мяте́жа мирска́го в пусты́ню удали́лся еси́, / к немерца́ющему Све́ту притека́я, / и слез твои́х тече́ньми, о́тче Три́фоне, / пусты́ни Се́верныя возде́лал еси́, / поще́ньми и из глубины́ воздыха́ньми / чуде́с благода́ть от Бо́га прие́м, / мона́хов Пече́нгских роди́телю и лопля́н апо́столе, / моли́ Христа́ Бо́га // спасти́ся душа́м на́шим.
В се твое́ у́мное жела́ние к Бо́гу впери́в, / Того́ зва́нию невозвра́тно от души́ после́довал еси́, / в пусты́ню коне́чную всели́вся, / и, та́мо а́нгельски и равноапо́стольне пожи́в, / мно́гим путь был еси́ ко спасе́нию. / Сего́ ра́ди и Христо́с тя просла́ви и да́ром чуде́с обогати́. / Те́мже вси вопие́м ти: / ра́дуйся, испове́дниче Христа́ Бо́га на́шего; // ра́дуйся, гра́ду твоему́ неколеби́мое утвержде́ние, Три́фоне, о́тче наш.
Ин кондак, глас 1:
П равосла́вным смы́слом ю́ношская возжеле́ния возненави́дев / очи́стився покая́нием и страсте́й отсече́нием, / укрепи́вся посто́м, бде́нием и моли́твами непреста́нными, / Свято́й Тро́ицы оби́тель воздви́гл еси́ / и Пече́нгских и́ноцев Христо́ви чи́стых предста́вил еси́. / И го́ршее покори́в лу́чшему, / сокруши́л еси́ вы́я бесо́м, / и посто́м возсия́л еси́ в ми́ре, / па́че сия́ния со́лнечнаго твоя́ доброде́тели, / Земли́ Се́верныя похвало́, // преподо́бне о́тче наш Три́фоне.
О всесвяты́я Тро́ицы уго́дниче, о блаже́ннейший и равноапо́стольный па́стырю, преподо́бне о́тче наш Три́фоне! Не забу́ди твоея́ па́ствы, помина́й во святы́х твои́х и богоприя́тных моли́твах, приноси́мых в Тро́ице сла́вимому Бо́гу, ста́до твое́, е́же сам, по благове́стию от А́нгела, прише́ствием твои́м собра́л и упа́сл еси́. Поне́же в сро́дстве твоего́ мирска́го жили́ща, слы́шав во святе́й це́ркви на у́трени пою́щих: «пусты́нным живо́т сокрове́н есть, Боже́ственным раче́нием воскриля́ющимся», и от того́ воспери́вся Боже́ственною любо́вию, оста́вль дом и сродство́ и прише́д в край се́верныя страны́, просвети́л еси́ святы́м креще́нием неве́дующий Творца́, всех Бо́га, лопа́рский наро́д, за е́же, во утвержде́нии Христиа́нския ве́ры, мно́га изгна́ния и злоключе́ния подъя́л еси́; и близ реки́ Пече́неги в пу́стыню всели́вся, бра́тию из мно́гих градо́в и ве́сей собра́в, ве́лию оби́тель воздви́гл еси́, и при отше́ствии к Небе́сным селе́нием, о посеще́нии твоея́ оби́тели проро́чествия дар от Бо́га восприя́л еси́, и по сме́рти на мо́ри и на су́ше мно́га чудеса́ и цельбы́ с ве́рою прося́щим сотвори́л еси́ и ны́не твори́ши. Те́мже мо́лим тя, не забу́ди присеща́ти чад твои́х, моли́ за ны, преподо́бне о́тче, приходя́щая к тебе́ с ве́рою, и за вся христиа́ны, я́ко име́яй дерзнове́ние к безсме́ртному Царю́ Христу́ всех Бо́гу; не премолчи́ за ны ко Го́споду и не пре́зри нас, ве́рою и любо́вию чту́щих тя и помина́ющих святу́ю па́мять твою́. А́ще бо ты и преста́вился еси́ от нас те́лом, но и по сме́рти, живы́й ду́хом, всегда́ чудоде́йствуеши. Моли́твами твои́ми сохраня́й нас от стрел и ко́зней вра́жиих, и вся́кия пре́лести бесо́вския, и от враг ви́димых и неви́димых. Па́стырю наш до́брый! А́ще мо́щи твоя́ в ра́це незри́мы нам суть, оба́че, поне́же всегда́ в Тро́ице сла́вимому Бо́гу, при престо́ле Его́ непостижи́маго вели́чествия неотсту́пно в моли́твах предстои́ши, усе́рдно к тебе́ прибега́ем и про́сим: умоли́ и испроси́ нам вре́мя к покая́нию, да в час исхо́да души́ пре́йдем от земны́х к Небе́сным, мыта́рств же возду́шных и ве́чныя му́ки изба́вимся, и Небе́сному Ца́рствию насле́дницы бу́дем со все́ми от ве́ка угоди́вшими. О всеблаже́нне и преподо́бне о́тче наш Три́фоне! Не пре́зри и ны́не нас, притека́ющих к тебе́, я́ко да, моли́твами твои́ми и по́мощию спаса́емы, сла́ву и благодаре́ние, хвалу́ и поклоне́ние за вся в Тро́ице еди́ному Бо́гу, всех Созда́телю, возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Акафист святому мученику Трифону
Кондак 1
Избранный от Бога и к лику святых сопричтенный, святый мучениче Трифоне! Молися о нас, грешных, Владыце Христу и помогай нам побеждати мир, плоть и диавола, многообразно воюющия на ны, якоже победил еси их благодатию и силою возлюбленнаго тобою Христа, да, избавльшеся от врагов наших видимых и невидимых, благодарственно воззовем ти: Радуйся, Трифоне, скорый помощниче всем, с верою и любовию к тебе притекающим!
Икос 1
Образу благочестия родителей твоих подражая, христианския нравы от лет малых приял еси, святый мучениче, и мал сый леты, стар же разумом, воистину христианин совершен явился еси. Мы же, воспоминающе добродетельное житие твое, восхваляем тя сице: Радуйся, добронравных родителей благочестивый сыне; радуйся, великое их утешение. Радуйся, Ангела твоего Хранителя непрестанное веселие; радуйся, от юности твоея всего себе Богу предавый. Радуйся, от юности Христа возлюбивый; радуйся, от малых лет благодать Божию обильно стяжавый. Радуйся, душу свою непорочну явивый; радуйся, себе самаго в храм Духа Святаго уготовавый. Радуйся, отроком образ жития святаго показавый; радуйся, благочестием твоим верныя возвеселяяй. Радуйся, от малых лет за вся сия Богом возлюбленный. Радуйся, Трифоне, скорый помощниче всем, с верою и любовию к тебе притекающим.
Кондак 2
Видя Господь, яко волею по стези благочестия, в немже от родите-лей твоих наставлен был еси, течеши, и яко воистинну любиши Бога, сотвори тя в жилище Святаго Духа от лет малых и отверзе уста твоя пети Ему: Аллилуиа.
Икос 2
Силу веры твоея показуя, Владыка Христос дарова тебе, святый мучениче, еще отроку бывшу, дар чудотворений, сего ради вопием ти: Радуйся, от малых лет совершенную любовь к Богу показавый; радуйся, заповедей Его не токмо слышатель, но и делатель от младенчества бывый. Радуйся, от юности твоея добродетели христианския стяжавый; радуйся, от малых лет житием, верою и любовию твоею Богу угодивый. Радуйся, дар исцелений от Него приявый; радуйся, дар той на пользу ближним иждивающий. Радуйся, многоразличныя болезни исцеляющий; радуйся, в недузех облегчение дарующий. Радуйся, страдания в радость обращающий; радуйся, исцеления сия во славу Божию совершающий. Радуйся, теми истину веры православныя показующий; радуйся, теми нас к славословию Бога возбуждающий. Радуйся, Трифоне, скорый помощниче всем, с верою и любовию к тебе притекающим.
Кондак 3
Верою и любовию стяжал еси от Бога власть изгоняти духи нечистыя, мучащия человеки и претящия им воспевати Богу: Аллилуиа.
Икос 3
Видя дарованную ти, святый мучениче, силу Божию, вспять бежаша демони, имиже одержими бяху бесноватии людие. Видящии же сия, воспеваху ти сице: Радуйся, от Бога власть на нечистыя духи приявый; радуйся, силою Божиею сих изгоняющий. Радуйся, врагу человеческому вредити людем возбраняющий; радуйся, козни диавола и ангелов его разрушающий. Радуйся, силу их низлагающий; радуйся, безсилие их являющий. Радуйся, страхом и трепетом их поражающий; радуйся, веры Христовы силу показующий. Радуйся, верных к прославлению Бога воздвигающий, радуйся, в бедах и скорбех сущих прибегати к предстательству святых наставляющий. Радуйся, в нуждах наших обращатися к Богу научающий; радуйся, помощниче наш, Богом нам дарованный. Радуйся, Трифоне, скорый помощниче всем, с верою и любовию к тебе притекающим.
Кондак 4
Восхотев тобою обратити языки от пути нечестия и открыти им путь истинный, ведущий в Живот Вечный, си есть веру истинную, веру православную, даже до Рима из Компсады приведе тя Господь, да и в чертогах царских проповеси Бога и таю многий научиши пети Ему: Аллилуиа.
Икос 4
Хотяй обратити многия на путь спасения, попусти Господь демону вселитися в дщерь цареву, и жестоко мучити и ввергати ю многочастне во огнь и воду. Врачеве ничтоже успеваху и ничимже страдания дщери царевой утолити возмогоша. Егда же и сильнии мира сего и всякую врачебную хитрость ведущии ничтоже возмогоша и исповедаху немощь свою, тогда велением Божиим проглагола диавол, яко един есть, иже изгнати его имать, и се есть Трифон. Тогда прилежно искаху и обретоша его в Компсаде. Грядущу же ему и еще далече от Рима сущу, возопи гласом велиим диавол и изыде, и исцеле девица. Видящии сия дивляхуся и глаголаху: Радуйся, Трифоне, еще далече сущий в бегство диавола обративый; радуйся, яко диавол безсилие свое пред тобою исповеда. Радуйся, молящимся тебе скорый помощниче; радуйся, недугов силою Божиею целителю. Радуйся, оставленных врачами на свои руце приемлющий; радуйся, печали на радость пременяющий. Радуйся, печальным утешение и скорбящим радование посылающий. Радуйся, Трифоне, скорый помощниче всем, с верою и любовию к тебе притекающим.
Кондак 5
Видеша вернии, иже в Риме, чудо, пришествием твоим бывшее, укрепишася в вере своей и воспеша Богу, победившему адскаго змия и дарующему верующим в Него таковую силу: Аллилуиа.
Икос 5
Уверения ища, тебе пришедшу в Рим, святый Трифон, яко ты еси той, егоже убояся демон, моли тя император Гордиан, да явиши и ему и синклиту его, и людем в чувственном виде диавола, и не отреклся еси, но, возложив на ся пост, помолися Господу дний шесть. В день же седмый, пришедшим царю, синклиту и людем, возопил еси: “Тебе глаголю, душе нечистый, во имя Господа моего Иисуса Христа явися семо и покажи свой демонский образ зде сущим, и безсилие свое исповеждь. “. И бысть тако. И зряху вси безобразие демонское и дивляхуся вере святаго, вопиюще: Радуйся, Трифоне, егоже демони ослушатися не могут; радуйся, Трифоне, по егоже велению дуси нечистии в телеснем виде являются. Радуйся, Трифоне, силою Божиею повелевый диаволу исповедати, яко, на христианы, иже святую православную и апостольскую веру содержат, власти не имать; радуйся, Трифоне, емуже возвещено бысть, яко демони власть имут мучити токмо тех, иже своим похотем греховным следуют и дела, угодная диаволу, творят. Радуйся, Трифоне, яко научил еси нас бегати языческаго нечестия; радуйся, Трифоне, яко научаеши всех бегати всякаго греха, в добродетелех же подвизатися. Радуйся, веру православную твердо содержати наставляяй нас; радуйся, хотящим благочестно жити помогаяй. Радуйся, Трифоне, скорый помощниче всем, с верою и любовию к тебе притекающим.
Кондак 6
Видевше, како младо отроча повелевает властно духовом злобы поднебесной, убояхуся мнози, и слышаще от демона и видяще воочию, якову силу имать вера Христова, обратишася к Богу: нечестие же и прочая заблуждения своя отложше, крестишася и усты своими от сердца чиста благодарственно воспеша Богу песнь: Аллилуиа.
Икос 6
Благодаряще тя, царь вложи в руце твои, мучениче, дары и злато, ты же, Христа Бога приобревый ни во чтоже вменил еси вся, яже в мире сем яко блага почитаются, и приял еси дары царевы, да послужиши ближним твоим, и шед во отечество твое Компсаду, дал еси вся нищим, сирым и всем в нужде сущим, непрестанно памятуя, яко расточив богатство земное, тленное, собереши себе на Небеси богатство нетленное, вечное. Мы же, научаемии тобою такожде творити, вопием ти сице: Радуйся, Трифоне, душу свою чужду сребролюбия показавый; радуйся, милосердие души твоея выну являяй. Радуйся, нищих питатель бывый; радуйся, неимущим сострадание показавый. Радуйся, заповедь Христа “Просящему у тебе дай” исполнивый; радуйся, и нас исполняти заповеди Божии научивый. Радуйся, якоже шествием в Рим и возвращением своим в Компсаду многих утешивый, ободривый и возвеселивый; радуйся, показавый нам образ, како богатством гибнущим на земли негиблющее богатство на Небеси собирати. Радуйся, ближним служити нас научающий; радуйся, ближних любити нас наставля-ющий. Радуйся, образ жития праведнаго нам показующий, радуйся, яко правило веры в Бога, надежды на Него, любве к Нему и ближним и прочих христианских добродетелей яви нам собою. Радуйся, Трифоне, скорый помощниче всем, с верою и любовию к тебе притекающим.
Кондак 7
Взыде на престол римский нечестивый царь Декий, и пролияся по вселенней кровь христианская. Приближися время, егда и тебе, святый мучениче, суди Господь подъяти страдания, да кровию и мученичеством своим запечатлееши веру и великую свою любовь к Богу и тем до конца низложиши сопротивныя силы и наставиши многих, да грядут на мучения, радующеся, якоже и ты, страстотерпче, и поюще Богу: Аллилуиа.
Икос 7
Яко укрытися не может град верху горы стояй, тако и тебе, святый мучениче, гонению от Декия царя на христиан бывшу, невозможно бысть укрытися от мучителей, ибо ты, яве без страха Христа всем исповедав, силою слова обращение многих ко Христу устроил и многия в недузех именем Его исцелил еси. Уведевше же о тебе, святый Трифоне, игемон Аквилин, взя тя и пред судищем постави, ты же вся грядущая на тя в руце Бога твоего предал еси, радуяся яко и тя сподоби Господь быти общника страданий его, и вернии, видяще ревность твою по Бозе, вопияху ти: Радуйся, Трифоне, ко спасению многих приведый; радуйся, многих от зловерия к вере истинней, православней обративый. Радуйся, чудесы твоими, силою Божиею содеянными, в вере, ими восприятой, их утвердивый; радуйся, яко действенная вера твоя в Бога выну всем по всей вселенней явися. Радуйся, безмездный врачу, силою Божиею, якоже древле, такожде и ныне всякую болезнь скоро врачующий; радуйся, надеждо оставленных врачами. Радуйся, скорое утешение болящих, на тебя надеясь, с молитвою прибегающих; радуйся, небоязненно проповедавый Христову веру. Радуйся, от неверных за проповедь Христа Бога на мучение ятый; радуйся, не устрашивыйся грядущаго мучения. Радуйся, научающий нас не боятися человеческих прещений; радуйся, во всем на Бога упование возложивый. Радуйся Трифоне, скорый помощниче всем, с верою и любовию к тебе притекающим.
Кондак 8
Услышав, яко ищут тя воини, не утаился еси от них, мучениче, ни в горах, ни в пустынех, но, оградився молитвою и крестом дерзновенно себе предал еси в руце мучителей и с радостию ве-ликою стопы твоя направил в Никею, да возвестиши всем веру истинную и наставиши пети Богу Аллилуиа.
Икос 8
Егда вопроси тя игемон на судилище: “Кто еси, кая судьба твоя, и како веруеши?” ты, не обинуяся, отвещал еси ему сице: “Трифон имя мое; отечество – Компсада, судьбы же несть у нас, зане веруем, яко вся Промыслом Божиим бывают. По вере же – христианин есмь, Христос же есть и моя сила, и моя крепость, и слава, и радость моя”. Сие исповедание твое слышаще, ублажаем тя, святый Трифоне, сице: Радуйся, неправедному судилищу дерзновенно представый; радуйся, верующих в Промысл Божий укрепляяй. Радуйся, люди, живот свой судьбе вверяющия, посрамляяй; радуйся, научаяй нас во всем упование наше на Бога возлагати. Радуйся, выну себе быти служителя Христова исповедуяй; радуйся, исповеданием тем веселие верным даруяй. Радуйся, соборища нечестивых исповеданием святым отлучивыйся; радуйся, грядущих мучений за нечестивых исповедание истиннаго Бога не устрашивыйся. Радуйся, истину единую Божественную возлюбивый; радуйся, лжи и отца ея, диавола, отвергийся. Радуйся, Христа своим упованием именуяй: радуйся, Его своею крепостию нарицаяй. Радуйся, Трифоне, ско-рый помощниче всем, с верою и любовию к тебе притекающим.
Кондак 9
Слышавше твое исповедание, ярости исполнишася нечестивии и прещаху ти ранами и мучением. Ты же, мучениче Трифоне, подъятие страданий за Христа веселием почитая, взывал еси немолчно Богу песнь: Аллилуиа.
Икос 9
Ветия многовещанный Аквилин, видя, яко ты не убоялся еси прещений лютых, яко овча кроткое явися, ища прельстити тя словесы ласкательными, но ничтоже успевая, паки в волка лютаго обращься, усугубляше прещения своя. Ты же тверд и непоколебим пребыл еси благодатию Божиею, воздвизая верных возглашати тебе сицевая Радуйся, прещений лютых не убоявыйся; радуйся, смерти телесной не устрашивыйся. Радуйся, душу свою за веру православную положити не отрекшийся; радуйся, разум совершенный в том положивый, да сохраниши веру истинную во Единаго Бога. Радуйся, не к земней, но к Небесней мудрости устремивыйся; радуйся, игемону, врагу твоему, спасения желавый. Радуйся, к познанию истиннаго Бога привести мучителя твоего тщавшийся; радуйся, проповедниче Христов сладко-гласный. Радуйся, христианине, Христом возлюбленный; радуйся, волею на страдания шедый. Радуйся, мучений тех за Христа, яко сокровища, хотевый; радуйся, во время мучений лютых Божественным светом осиянный. Радуйся, Трифоне, скорый помощниче всем, с верою и любовию к тебе притекающим.
Кондак 10
Услышав тя глаголавша, яко не исповедующих истинныя, православныя веры жребий есть огнь неугасимый, зело разгневася Аквилин и повеле тя, святый Трифоне, повесив, бити; ты же, в повелении сем услышав Господень глас, призывавший тя на страдальческий подвиг, возопил еси Богу: Аллилуиа.
Икос 10
Яко свеща огнем возгарается, тако душа твоя, святый Трифоне, возгореся любовию к возлюбившему тя Богу, и, услышав повеление игемона, еже на тя, сам совлекл еси ризы твоя и тело твое предал еси в руце мучителей, да сотворят вся, яже повеле игемон. Зряще таковую ревность твою по Бозе, вси вернии глаголаху: Радуйся, с веселием уготовавый себе к приятию ран за Христа; радуйся, риз своих совлекийся ради обнаженнаго некогда за грехи наши Искупителя. Радуйся, добровольно в руце мучителей себе предавый, Христу подражая; радуйся от них связанный и повешенный на мучение. Радуйся, приявый за Христа лютая ударения; радуйся, три часа терпе-вый нещадное биение. Радуйся, мучиму бывшу, ни единаго стенания и ни единаго гласа испустивый; радуйся, биения, узы, раны, опаления и иныя многоразличныя страдания претерпевый. Радуйся, в молчании приявый ударения, от них же ранами изъязвися тело твое; радуйся, страданием своим силу Божию прославивый. Радуйся, терпением своим мучителей посрамивый; радуйся, подвигом своим христиан возвеселивый. Радуйся, Трифоне, скорый помощниче всем, с верою и любовию к тебе притекающим.
Кондак 11
Видеша терпение и подвиг твой, святый Трифоне, еще же и адамантову крепость твою, и прославиша предстоящии людие Подвигоположника Христа Бога песнию: Аллилуиа.
Икос 11
Яко стену тверду и непоколебиму виде тя нечестивый судия, обаче не прослави Бога, даровавшаго тебе крепость сию, но паче тщашеся склонити тя и лестию и страхом смерти, да принесеши жертву бесовом. Ты же, святый мучениче, исповедав во ушию всех веру Христову, обличил еси безумие гонителей и показал еси мудрость тех, иже во Христа веруют; игемон же, измышляя на тя иная мучения, повеле тя со столпа сняти и, привязав к коню своему, влече за собою. Мы же потщимся прославити страдания твоя: Радуйся, уязвленный телом и за конем быстро влекомый, радуйся, хлад зимний претерпевый Радуйся, научаяй нас в скорбех земных ум свой к Богу устремляти; радуйся, наставляяй в мире сем хлад-ном согреватися любовию, яже к Богу. Радуйся, делом нам показуяй, како подобает ни во чтоже вменяти скоропреходящия на земле страдания; радуйся, любве и милосердия ко всем людем исполненный. Радуйся, ради любве тоя за враги своя молитвы Богу возносивый; радуйся паки в темницу вверженный и в заточении лютом томление, муку и болезни претерпевый. Радуйся, ясно являющии, яко лютейшая страдания земная ничтоже суть, аще к Богу прибегают людие и Бога ради терпят скорби и раны; радуйся, на усекновение главы твоея радостно шедый и пред усекновением тем в руце Бога твоего, Егоже ради вся лютая подъял еси, душу свою святую предавый. Радуйся, прежде усекновения моливыйся о всяком, иже воспоминати тя и в память твою святыя жертвы приносити будет, да услышит его Господь и всякое прошение его исполнит; радуйся, по успении твоем в видении повелевый погребсти тя во отечествии твоем, научая тем и нас свое отечество любити. Радуйся, Трифоне, скорый помощниче всем, с верою и любовию к тебе притекающим.
Кондак 12
Не токмо на земли, святый мучениче, был еси помощник и заступник всем, твоея помощи требующим, но и по смерти не престаеши избавляти от бед к тебе с верою и любовию притекающих, якоже избавил еси царского гнева болярина Трифона, егда внезапу явился ему на коне и дал еси ему отлетевшаго царскаго сокола. Оный же Трифон сокольник на месте сем, идеже ему от тебе помощь явися, во благодарение тебе за избавление свое воздвиже святый храм во имя твое, мучениче Трифоне. Мы же благодеяния от тебе бывшая воспоминающе, возносим благодарственную Богу песнь: Аллилуиа.
Икос 12
Поюще твоя многоразличная чудеса, твою дивную и скорую помощь, яко никогоже усердно прибегающаго к тебе с верою, любовию и упованием никогда же отринул еси, но всех к тебе притекающих и пред святою иконою твоею смиренно молящихся от внезапных бед и скорбей избавляеши, прочее время живота их во благо устрояеши, недузи врачуеши, печали утоляеши и комуждо в бедах и скорбех к тебе припадающему помощь и ослабу даруеши, благодарне восхваляем тя сице: Радуйся, наша моления и прошения приемляй, радуйся, за ны пред Престолом Божиим молящийся. Радуйся, от Бога милости нам непрестанно просящий; радуйся от нечаянных бед и зол непреложное наше избавление. Радуйся, от бед и напастей, движимых на ны грех ради наших, скорое прибежище, радуйся многия слезы от скорби проливаемыя, изсушивый. Радуйся, многия печали утоливый; радуйся, яко никтоже припадый к святей иконе твоей тощь от нея отъиде. Радуйся, всякаго притекающаго к тебе под кров свой и заступление приемляй; радуйся, здравия требующим скорое исцеление. Радуйся, оставленных врачами и ради неисцельных и тяжких недуг своих чающих себе смерти, скорое и безмездное врачевание, радуйся, и ныне, якоже и древле, живу ти сущу, неизсякаемый источниче неизчетных и многообразных чудотворений. Радуйся, Трифоне, скорый помощниче всем, с верою и любовию к тебе притекающим.
Кондак 13
О святый мучениче Трифоне! Приими сие малое, обаче от любящих и благодарных сердец приносимое тебе наше моление, вознеси ко Господу Богу теплыя молитвы твоя за ны, недостойныя: болящия исцели, печальныя утеши, заблуждшия вразуми, бедствующим помози, и вся нам потребная для здравия телеснаго и спасения душевнаго у Бога Щедродавца испроси, наипаче же избави нас от лукавых бесов, да памятуя выну твоя дивная о нас заступления, прославим Бога, даровавшаго нам таковаго молитвенника, целителя и чудотворца, воспевающе песнь: Аллилуиа.
(Этот кондак читается трижды, затем икос 1 и кондак 1)
Мученик Трифон и чудеса по его молитвам
Чудеса по молитвам к мученику Трифону — реальность или выдумки? В этой статье мы собрали истории реальных людей о помощи по молитвам к Святому.
Чудеса по молитвам к мученику Трифону
О мученике Трифоне я узнала неожиданно. В далёкие 90-е годы, когда были неприятности на работе и враги, я буквально приползла в Донской монастырь, помолиться. И встретила там старца, иеромонаха Даниила (Сарычева). Он неторопливо вёл службу, неторопливо ступал по маленькому храму монастыря и кадил. Молился коленопреклонённо со слезами на глазах пред чудотворной Донской.
После службы рискнула обратиться к старцу с просьбой помолиться обо мне. Описала ситуацию и услышала ответ: «Молись мученику Трифону. Он защищает от врагов. И Даниилу Московскому». Придя домой, стала искать в книжке «Все храмы Москвы» и обнаружила церковь, где есть икона с частицами мощей этого святого. И отправилась туда.
Позже услышала рассказ отца Даниила с амвона. Он говорил о том, как в молодости он искал работу. После того, как отслужи молебен мч. Трифону, он вернулся домой. Каково же было его удивление, когда у себя на столе увидел конверт с приглашением на вакансию. Правда, тогда он решил пойти учиться.
Такие рассказы очень вдохновляют. Теперь стараюсь почаще обращаться к этому святому. И он очень скор на помощь, быстро слышит. Как же радостно на душе от его чудес!
В Москве, на улице Трифоновской, есть маленький храм, старинный, белокаменный, в честь мученика. Когда-то он был большой, но после революции взорвали два его придела. Основной — этот самый, старинный белокаменный — храм удалось отстоять. И здесь после продолжительного перерыва возобновились богослужения. Хотя и сейчас они проходят только по субботам-воскресеньям, мученик Трифон слышит всегда тех, кто к нему приходит, кто обращается к нему с молитвой. Клирики храма рассказывают, что св. Трифон помогает найти работу, решить жилищный вопрос. А также — найти потерянное. Причем зафиксировано много случаев такой помощи святого людям.
Рассказы современников.
— Сегодня по молитве св. мученику Трифону случилось чудо — нашлись безнадёжно утерянные документы. Нашлись в месте, где вообще не могли находиться по логике. От нахождения документов зависели многие важные дела. Это не первый случай, когда по молитвам именно этому святому что-то ненаходимое находится, а потому с радостью об этом свидетельствую и повторяю: «Радуйся, Трифоне, скорый помощниче всем, с верою и любовию к тебе притекающим!»
— Слышали от православных людей о помощи в трудоустройстве святого Трифона, но никогда не обращались к святому мученику.
Мой муж решил поменять работу, не зная даже, куда он может пойти работать. Я нашла в молитвослове молитву святому Трифону и попросила помочь мужу. В тот же день позвонил наш друг и предложил моему супругу вполне приличную работу, где он сейчас и трудится.
Честно сказать, мы не ожидали такой быстрой помощи! Это очередное чудо, явленное Богом через Его святых угодников!
— Нам мученик Трифон помог, когда у моего сына, грудного младенца, были колики. Он так страшно кричал, что мы все переругались дома, и я в отчаянии стала читать ему акафист. В тот вечер сынишка первый раз не заплакал, и в следующий — тоже, так и прошли колики… Кто- то скажет — совпадение, но я-то знаю, что это такое было.
— В нашем храме была бабушка, у чьей дочери была очень тяжелая ситуация с квартирой. Бабушка стала заказывать молебны этому святому, ездить по храмам, где есть его иконы. В скором времени дочери… дали квартиру на ул. Трифоновская.
Еще слышала в Томске от одного батюшки, что у них корова потерялась… Она вышла прямо из кустов, когда был прочтен акафист мученику Трифону!
Нашла новую работу в прошлом году за две недели. Мой духовный отец служил за меня молебен мученику Трифону.
— Я от уныния и печали молился св. Трифону — прошло быстро, буквально за минуты!
— Мне тоже есть, за что благодарить св. мученика Трифона!
Кстати, день его памяти — 14 февраля — приходится как раз на «День Святого Валентина». Нам как-то батюшка в церкви сказал: св. Трифон принял такую тяжелую мученическую кончину за Христа, а мы в этот день радуемся, веселимся и празднуем Валентина. Я с тех пор по-другому к 14 февраля относиться стала.
— Святой мученик Трифон помог мне и нашей семье. Очень ему благодарны. В трудных ситуациях иду в храм на Трифоновской улице в Напрудной слободе.
— Хотела бы рассказать о чуде, недавно случившемся в моей семье.
Мы срочно собирались на дачу. В суматохе, во время перестановки мебели в квартире, потеряли ключи. Запасных в деревне нет. Кажется, всё обыскали. Уже выходить надо на электричку через полчаса, а ключей нет. Решили остановиться у родственников. И тут я решила читать акафист мученику Трифону. На 13-м кондаке мама вошла в мою комнату, звеня ключами. Они были в женской сумочке, лежавшей на дне огромного мешка с пустыми пакетами, находящегося где-то на балконе… Благодарю св.Трифона за найденную пропажу!
— Напишу про чудо с моим котом. Кот потерялся, и его не было 2,5 месяца. Уже все сроки ожидания прошли, мы кота мысленно похоронили. Но св. мученик Трифон не посрамил моих на него упований и вернул моего любимца в целости и невредимости. Где-то я читала, что св. мученика Трифона именно так и молят — с уверенностью в его помощи и с любовью. И тогда он всегда помогает.
— Хочу рассказать об одном случае, который произошёл со мной в Сербии.
Я поехала на такси в горный монастырь Сапочаны (на такси, т.к. накануне прошла километров 30 по горам в поисках другого монастыря, и там растеряла все силы…) Когда меня водитель вёз обратно в город, я что-то смотрела в сотовом. А потом положила его в карман куртки. Доехали до центральной площади города, где меня водитель высадил, и я пошла гулять по городу. Когда через полчаса я решила посмотреть, сколько времени, то поняла, что телефона у меня больше нет. Я всё обыскала, но не нашла. Побежала назад на центральную площадь, по дороге моля св. Трифона, чтобы мой сотовый как-нибудь нашёлся (хотя, как он мог найтись?? Таксистов много, мой — неизвестно в каком направлении уехал. Да и не факт, что я потеряла сотовый именно в такси, а у меня его кто-то не вытащил из кармана, например…) Прибегаю на площадь, к стоянке таксистов. Начинаю там первому встречному таксисту рассказывать, что потеряла сотовый.
— В Сапочаны? Это тебя возили в Сапочаны? — переспрашивает он по-сербски.
— Да, это меня!! Вы не знаете, где таксист, который меня возил?
И закрутилось. Водители стали куда-то звонить, между собой обсуждать, собралось их человек 10, наверное. В итоге нашли моё такси, а из него уже идёт водитель и хитро улыбается. Показывает сотовый (мой), говорит, «а я его нашёл между сидением и дверью, он завалился…»
Радости было! В путешествии сотовый был мне очень нужен, да и вообще, там все контакты и прочая информация… Вот так мне чудесным образом св. Трифон помог вновь обрести мой сотовый!
— По молитве к мч. Трифону нашлась моя собака… Это она сейчас стала домашняя, а когда нам её отдали, была взрослая и дикая. Как-то на прогулке в парке убежала. Я в темноте её искала повсюду, звала… Когда вспомнила про св. Трифона и попросила его о помощи, моя собака вышла из кустов. Это было большое чудо, ведь от дома было уже далеко.
Сборник – Акафист Трифону Святому мученику
Сборник – Акафист Трифону Святому мученику краткое содержание
Акафист Трифону Святому мученику – читать онлайн бесплатно ознакомительный отрывок
Акафист святому мученику Трифону
Рекомендовано к публикации Издательским Советом Русской Православной Церкви (ИС 13-301-0016)
Избра́нный от Бо́га и к лику святы́х сопричте́нный, святы́й му́чениче Три́фоне! Моли́ся о нас, гре́шных, Влады́це Христу́ и помога́й нам побежда́ти мир, плоть и диа́вола, многообра́зно вою́ющия на ны, я́коже победи́л еси́ их благода́тию и си́лою возлю́бленнаго тобо́ю Христа́, да, изба́вльшеся от враго́в на́ших ви́димых и неви́димых, благода́рственно воззове́м ти: Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
О́бразу благоче́стия роди́телей твои́х подража́я, христиа́нския нра́вы от лет ма́лых прия́л еси́, святы́й му́чениче, и мал сый ле́ты, стар же ра́зумом, вои́стинну христиани́н соверше́н яви́лся еси́. Мы же, воспомина́юще доброде́тельное житие́ твое́, восхваля́ем тя си́це:
Ра́дуйся, добронра́вных роди́телей благочести́вый сы́не; ра́дуйся, вели́кое их утеше́ние.
Ра́дуйся, А́нгела твоего́ храни́теля непреста́нное весе́лие; ра́дуйся, от ю́ности твое́я всего́ себе́ Бо́гу преда́вый.
Ра́дуйся, от ю́ности Христа́ возлюби́вый; ра́дуйся, от ма́лых лет благода́ть Бо́жию оби́льно стяжа́вый.
Ра́дуйся, ду́шу свою́ непоро́чну яви́вый; ра́дуйся, себе́ сама́го в храм Ду́ха Свята́го угото́вавый.
Ра́дуйся, отроко́м о́браз жития́ свята́го показа́вый; ра́дуйся, благоче́стием твои́м ве́рныя возвеселя́яй.
Ра́дуйся, от ма́лых лет за вся сия́ Бо́гом возлю́бленный.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Ви́дя Госпо́дь, я́ко во́лею по стези́ благоче́стия, в не́мже от роди́телей твои́х наста́влен был еси́, тече́ши, и я́ко вои́стинну лю́биши Бо́га, сотвори́ тя в жили́ще Свята́го Ду́ха от лет ма́лых и отве́рзе уста́ твоя́ пе́ти Ему́: Аллилу́иа.
Си́лу ве́ры твое́я показу́я, Влады́ка Христо́с дарова́ тебе́, святы́й му́чениче, еще́ о́троку бы́вшу, дар чудотворе́ний, сего́ ра́ди вопие́м ти:
Ра́дуйся, от ма́лых лет соверше́нную любо́вь к Бо́гу показа́вый; ра́дуйся, за́поведей Его́ не то́кмо слы́шатель, но и де́латель от младе́нчества бы́вый.
Ра́дуйся, от ю́ности твое́я доброде́тели христиа́нския стяжа́вый; ра́дуйся, от ма́лых лет житие́м, ве́рою и любо́вию твое́ю Бо́гу угоди́вый.
Ра́дуйся, дар исцеле́ний от Него́ прия́вый; ра́дуйся, дар той на по́льзу бли́жним иждива́ющий.
Ра́дуйся, многоразли́чныя боле́зни исцеля́ющий; радуйся, в неду́зех облегче́ние да́рующий.
Ра́дуйся, страда́ния в ра́дость обраща́ющий; ра́дуйся, исцеле́ния сия́ во сла́ву Бо́жию соверша́ющий.
Ра́дуйся, те́ми и́стину ве́ры правосла́вныя показу́ющий; ра́дуйся, те́ми нас к славосло́вию Бо́га возбужда́ющий.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Ве́рою и любо́вию стяжа́л еси́ от Бо́га власть изгоня́ти ду́хи нечи́стыя, му́чащия челове́ки и претя́щия им воспева́ти Бо́гу: Аллилу́иа.
Ви́дя дарова́нную ти, святы́й му́чениче, си́лу Бо́жию, вспять бежа́ша де́мони, и́миже одержи́ми бя́ху беснова́тии лю́дие. Ви́дящии же сия́, воспева́ху ти си́це:
Ра́дуйся, от Бо́га власть на нечи́стыя ду́хи прия́вый; ра́дуйся, си́лою Бо́жиею сих изгоня́ющий.
Ра́дуйся, врагу́ челове́ческому вреди́ти лю́дем возбраня́ющий; ра́дуйся, ко́зни диа́вола и а́нгелов его́ разруша́ющий.
Ра́дуйся, си́лу их низлага́ющий; ра́дуйся, безси́лие их явля́ющий.
Ра́дуйся, стра́хом и тре́петом их поража́ющий; ра́дуйся, ве́ры Христо́вы си́лу показу́ющий.
Ра́дуйся, ве́рных к прославле́нию Бо́га воздвига́ющий; ра́дуйся, в беда́х и ско́рбех су́щих прибега́ти к предста́тельству святы́х наставля́ющий.
Ра́дуйся, в ну́ждах на́ших обраща́тися к Бо́гу науча́ющий; ра́дуйся, помо́щниче наш, Бо́гом нам дарова́нный.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Восхоте́в тобо́ю обрати́ти язы́ки от пути́ нече́стия и откры́ти им путь и́стинный, веду́щий в живо́т ве́чный, си есть ве́ру и́стинную, ве́ру правосла́вную, да́же до Ри́ма и Компса́ды приведе́ тя Госпо́дь, да и в черто́гах ца́рских пропове́си Бо́га и та́мо мно́гия научи́ши пе́ти Ему́: Аллилу́иа.
Хотя́й обрати́ти мно́гия на путь спасе́ния, попусти́ Госпо́дь де́мону всели́тися в дщерь царе́ву, и жесто́ко му́чити и вверга́ти ю́ многоча́стне во огнь и во́ду. Вра́чеве ничто́же успева́ху и ничи́мже страда́ния дще́ри царе́вой утоли́ти возмого́ша. Егда́ же и си́льнии ми́ра сего́ и вся́кую враче́бную хи́трость ве́дущии ничто́же возмого́ша и исповеда́ху не́мощь свою́, тогда́ веле́нием Бо́жиим проглаго́ла диа́вол, яко́ еди́н есть, и́же изгна́ти его́ и́мать, и се есть Три́фон. Тогда́ приле́жно иска́ху и обрето́ша его́ в Компса́де. Гряду́щу же ему́ и еще́ дале́че от Ри́ма су́щу, во зопи́ гла́сом ве́лиим диа́вол и изы́де, и исцеле́ деви́ца. Ви́дящии сия́ дивля́хуся и глаго́лаху:
Ра́дуйся, Три́фоне, еще́ дале́че су́щий в бе́гство диа́вола обрати́вый; ра́дуйся, я́ко диа́вол безси́лие свое́ пред тобо́ю испове́да.
Ра́дуйся, моля́щимся тебе́ ско́рый помо́щниче; ра́дуйся, неду́гов си́лою Бо́жиею цели́телю.
Ра́дуйся, оста́вленных врача́ми на свои́ ру́це прие́млющий; ра́дуйся, печа́ли на ра́дость пременя́ющий.
Ра́дуйся, печа́льным утеше́ние и скорбя́щим ра́дование посыла́ющий.
Ра́дуйся, Три́фоне, ско́рый помо́щниче всем, с ве́рою и любо́вию к тебе́ притека́ющим.
Видеша ве́рнии, и́же в Ри́ме, чу́до, прише́ствием твои́м бы́вшее, укрепи́шася в ве́ре свое́й и воспе́ша Бо́гу, победи́вшему а́дскаго зми́я и да́рующему ве́рующим в Него́ такову́ю си́лу: Аллилу́иа.
Увере́ния ища́, тебе́ прише́дшу в Рим, святы́й Три́фон, я́ко ты еси́ той, его́же убо я́ся де́мон, моли́ тя импера́тор Гордиа́н, да я́виши и ему́, и синкли́ту его́, и лю́дем в чу́вственнем ви́де диа́вола, и не отре́к лся еси́, но, возложи́в на ся пост, помоли́ ся Го́споду дний шесть. В день же седмы́й, прише́дшим царю́, синкли́ту и лю́дем, во зопи́л еси́: «Тебе́ глаго́лю, ду́ше нечи́стый, во и́мя Го́спода моего́ Иису́са Христа́ яви́ся се́мо и покажи́ свой де́монский о́браз зде су́щим, и безси́лие свое́ испове́ждь…» И бысть та́ко. И зря́ху вси безобра́зие де́мон ское и дивля́хуся ве́ре свята́го, вопию́ще:
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Загрузка...